क्याम्पस अनिश्चितकाल बन्दया घोषणा

येँ (सन्ध्या टाइम्स)/थीथी वाम पार्टी नाप लिक्क लाःगु प्यंगू विद्यार्थी संगठनं सुर्खेतया वीरेन्द्रनगर बहुमुखी क्याम्पस थनिनिसें अनिश्चितकाल तकया नितिं बन्द याःगु दु। क्याम्पस प्रशासनं माग पूरा मयाःगु कारण क्यँसें अनेरास्ववियु, अखिल क्रान्तिकारी, अखिल छैठौं व नेपाल क्रान्तिकारी विद्यार्थी संघं उगु बन्द घोषणा याःगु खः। थुकिं यानाः विद्यार्थीतय् ब्वनेज्या प्रभावित जूगु दु ।