कर्मचारीं न्ह्याकल भ्रष्टाचार विरुद्ध सचेतना अभियान
'भ्रष्टाचार यायेगु व घुस नयेगु राष्ट्रिय अपराध खः' धइगु मू नारायालिसे एकिकृत नेकपा माओवादी निकट नेपाल राष्ट्रिय कर्मचारी महासंघ उदयपुरं जिल्लाय् भ्रष्टाचार विरुद्धया सचेतना अभियान न्ह्याकूगु दु । भ्रष्टाचार विरुद्धया सचेतना अभियान -२०६५ नां दुगु अभियान थ्वहे पौष २५ गतेनिसें स्वलाः तक न्ह्याइगु महासंघया उदयपुर नायः मधुकर थापां धयादीगु दु ।
महासंघं जिल्लाय् दुगु फुक्क सरकारी ज्याक गैर सरकारी ज्याकु चोक सार्वजनिक स्थल लगायतया थासय् भ्रष्टाचारविरुद्ध तुल ब्यानर व पोस्टरपाखें सर्वसाधारण सेवाग्राहीयात सचेत दयेकूगु दु ।
अभियानया मू उद्देश्य अनियमितता व घुस्या प्रवृत्तीया विरुद्ध फुक्क कर्मचारीतय्त संगठीत दयेकाः जनमुखी प्रशासनया निर्माण यायेगु महासंघं जानकारी ब्यूगु दु । अभियानकथं महासंघं सेवाग्राही जनतायात थःम्हं प्राप्त यायेत्यनागु सेवाया निितं माःगु भ्वँ व उकियात माःगु दस्तुरया सम्बन्धय् जानकारी कायेत नापं इनाप याःगु दु । अभियानया अवधीयंकं महासंघ मेमेिपं कर्मचारी संगठन ज्याकु प्रमुख व राजनितिक दलया प्रमुखलिसे भ्रष्टाचारया विषयसं बृहत अन्तरकि्रयानापं ग्वसाः ग्वयेगु ज्याझ्वः दुगु महासंघया दाँभरि कृष्णप्रसाद वाग्लें कनादीगु दु ।
