प्राकृतिक स्रोत बारे गोष्ठी
येँ (सन्ध्या टाइम्स)/संविधानसभाय् आः प्रस्तावित जूगु १४ प्रदेशया नक्साय् प्राकृतिक स्रोत साधनया अवस्था गय् गथे दु धइगु विषययात कयाः थन छगू अन्तर्क्रिया ज्याझ्वः जुल।
ज्याझ्वलय् न्ववायेगु झ्वलय् विज्ञ डा. चित्रदेव भट्टं नेपाःया मू निगू प्राकृतिक स्रोत धइगु जलस्रेत व खनिज खः धासें फुक्कं प्रदेशय् थ्व निगुलिं स्रोतया समान वितरण जुइमाः, यदि मजुल धाःसा लिपा हानं ल्वापु पिहां वयेफु धयादिल।
नेपाः राष्ट्रिय पार्टीया अध्यक्ष नापं स्रोत अर्थविद् डा. केशवमान शाक्यं यक्व प्रदेशत दत धाःसा स्रोत परिचालन यायेत थाकुइगु जूगुलिं कम जक प्रदेश दयेकेमाः धासें उत्तर-दक्षिण स्वाःगु न्यागू प्रान्त दयेकाः उकिया दुने जातीय प्रदेशत तयाबिल धाःसा पहिचान व सामर्थ्य निगुलिं कायम जुइ धयादिल ।
जलस्रोत विषयक पत्रकार विकास थापां नेतातय् पह थौं थें हे जुयाच्वन धाःसा न्ह्यागु हे संघ वःसां नेपाःया जलस्रोत विकास याये फइ मखु धयादिल ।
ज्याझ्वः सुदूरपश्चिम पत्रकार समूह व नेवाः सञ्चार संजालया मंकाः ग्वसालय् जूगु खः ।
