लण्डनय् लिम्बुतय् प्रदर्शन
येँ (सन्ध्या टाइम्स)/प्रस्तावित १४ प्रदेश मध्ये लिम्बुवान दुने पूर्वया गुंगू जिल्ला हे दुथ्याकेमाः धइगु माग यासें बेलायतय् च्वंपिं लिम्बुवानवासीतय् संस्था लिम्बुवान स्वायत्त नागरिक एकता समाजं लण्डनस्थित नेपाःया राजदूत डा. सुरेशराज चालिसेयात ज्ञापनपत्र लःल्हाःगु खः। समाजया नायः श्रीप्रसाद थेबे लगायतया पुचलं ज्ञापनपत्र बिउगु इलय् पिने आपालं सहभागीतय्सं थीथी ब्यानर क्यनाः प्रदर्शन यानाच्वंगु खः। प्रदर्शनय् विष्णु याक्सो, लोकेन्द्र तबेबुङ लिम्बु, दिल सङ्बाहाम्फे आदिपिंसं न्ववानादीगु खः ।
