थनिंनिसें ग्यास आपूर्ति
येँ (सन्ध्या टाइम्स)/नेपाल आयल निगम, उद्योगी व व्यवसायी दथुइ जूगु वार्ता सकारात्मक जुइवं थनिंनिसें ग्यास आपूर्ति हाकनं जूगु दु ।
छवाः न्ह्यःनिसें आन्दोलन यानाः आपूर्ति व वितरण ठप्प याना वयाच्वंपिं व्यवसायीतय्सं ग्यास मीगु खुल्ला याःसां थुकिया सहज आपूर्ति जुइत धाःसा अझं छवाःया ई कायेफुगु खँ व्यवसायीतय्सं धाःगु दु ।
व्यवसायीतय्के आः थःपिंके दुगु ग्यास जक मीगु व मेगु ग्यास उद्योगपाखें मवःतले आपूर्ति सहज जुइत थाकुइगु खँ धाःगु दु ।
विक्रेतातय्त पर्याप्त मात्राया ग्यास आपूर्ति यायेगु व निजी साझेदारीइ स्वंगूगु राष्ट्रं ग्यास आपूर्ति मयायेत याःगु इनापय् निगम सहमत जुइवं आन्दोलन दिकाः व्यवसायीत ग्यास आपूर्ति सहज यायेत तयार जूगु खः ।
