थनिंनिसें सुर्खेत बन्द
येँ (सन्ध्या टाइम्स)/ माओवादीया वाइसीएल कार्यकर्तायात स्याना बिउगु विरोधय् थनिंनिसें सुर्खेत उपत्यका अनिश्चितकाल तकया नितिं बन्द याःगु दु। बन्दं यानाः अन थौं सुथंनिसें हे जनजीवन प्रभावित जूगु दु। सुर्खेत वनीगु व सुर्खेतं वइगु सवारी साधन संचालन जुयाच्वंगु मदुसा सुर्खेत सदरमुकाम विरेन्द्र बजार नं पूर्ण रुपं बन्द दु ।
सुर्खेतय् ल्वापुया झ्वलय् एमाले युथफोर्सया कार्यकर्तातय्सं वाइसीएल कार्यकर्ता आशाराम विकयात स्याना बिउगु द्वपं माओवादीं बिउगु दु। दोषीयात तत्काल ज्वनाः कारवाही यायेमाःगु, घटनाय् लानाः सीम्ह विकयात सहिद घोषणा यायेमाःगु, वया छेँजःयात क्षतिपूर्ति बीमाःगु माग यासें थ्व बन्द याःगु खः ।
शनिवाः बहनी खुकुरीं पालाः निथ्वःसिया दथुइ तच्वकं ल्वापु जूगु खःसा उगु हे ल्वापुइ लानाः बिक सीगु खः। उकी लानाः वाइसीएलया मेपिं कार्यकर्तात नं घाःपाः जूगु दु। तर थ्व घटनाय् युथफोर्सं धाःसा छुं नं स्वापू मदु धाःगु दु ।
