थौं तराईलय् होली
येँ (सन्ध्या टाइम्स)/स्वनिगः नापं नेपाःया पहाडी लागाय् म्हिगः होलि नखः हंगु दुसा थौं तराई लागाय् सुथंनिसें होलि हनाच्वंगु दु। अथे हे स्वनिगलय् च्वनाच्वंपिं तराई मूलया मनूतय्सं नं थौं थवंथवय् अबिर ईकाः होलि हनाच्वंगु दु। येँय् बसन्तपुली थनातःगु चिर म्हिगः बहनी क्वःथलाः होलि बिसर्जन याःगु खः। लिसें म्हिगः हे तिंख्यलय् गुरु मापायात नकेगु धकाः इतुम्बाहालं म्येँय्या छ्यं नापं जा ज्वनाः नके यंकूगु खः ।
