वर्तमान सरकार परिवर्तन जुइमखु : कोइराला
नेपाली कांग्रेसया उपसभापति सुशील कोइरालां वर्तमान सरकार परिवर्तन मजुइगु खँ धयादीगु दु । याकनं हे वर्तमान सरकार परिवर्तन जुयाः न्हूगु सरकार गठन जुइगु बुँखत पिहांवयाच्वंगु इलय् कोइरालां सरकार परिवर्तनया कासाय् लगे जुसाः इलय् हे संविधान निर्माण यायेमफइगु धयादिल ।
प्रेस युनियनं सोमवाः जाजरकोटय् याःगु पत्रकार सम्मेलनय् न्ववानादिसें उपसभापति कोइरालां माओवादीं सरकार परिवर्तन जुइगु मखुगु हल्ला ब्वलंकूगु दावी यानादिसें धयादिल, 'सरकार परिवर्तन यायेत लगेजुसाः संविधान निर्माण छखे लाइ ।'
माओवादी लडाकुयात सेनाय् समायोजन यायेमज्यूगु धयादिसें वय्कलं थ्व राजनीतिक दस्ता जूगु व व्यवसायिक सेना मखुगुलिं उमिगु व्यवस्थापन व पुनस्थापना यायेमाःगु तर सेना समायोजन यायेमज्यूगु धयादिल । वय्कलं माओवादी लडाकुया व्यवस्थापन मयायेकं संविधान जारी जुइमफइगु नं धयादिल ।
