जनकपुर टुडेया प्रकाशकयात गोलीं क्येकाः स्यात

जनकपुर टुडे न्हिपौया प्रकाशक अरुण सिंहानियायात सोमवाः सनिलय् अज्ञात पुचलं गोली क्येकाः स्यःगु दु । जनकपुर एफएम रेडियो टुडेया अध्यक्ष नं जुयादीम्ह सिंहानियात सोमवाः जनकपुरया शिव चोकय् गोलीं क्येकूगु खः ।

होलि म्हिताः थःगु छेँय् लिहांवनेत्यंगु इलय् मोटरसाइकलय् वम्ह अज्ञात बन्दुकधारीं वय्कयात गोलीं क्येकूगु खः । वय्कयात स्वंगः गोली लाःगु खँ प्रहरीं धाःगु दु । छ्योनय् निगः व छातीइ छगः गोली लाम्ह सिंहानियात गोलीं ल्येवं केयर मेडिकल नर्सिङ होमय् वासः याकेत यंकूगु खःसा डाक्टरतयसं तत्काल सिंहानिया मदुगु घोषणा याःगु खः ।