माओवादीं दैलेख प्रहरी चौकीइ आक्रमण

एनेकपा (माओवादी)या कार्यकर्तातय्सं आइतवाः बहनी दैलेखया कुसापानीइ च्वंगु प्रहरी चौकीइ आक्रमण याःगु दु । होलि म्हितेगु झ्वलय् जबर्जस्ती याःगु अभियोगय् प्रहरीं थः सहकर्मीयात ज्वनाः यंकूगु धासें माओवादी कार्यकर्तातय्सं आइतवाः बहनी गुतात्याः इलय् प्रहरी चौकीइ घेरा तयाः आक्रमण याःगु खः ।

घरेलु ल्वाभः सहित वःपिं खुइम्ह माओवादी कार्यकर्ताया आक्रमणय् लानाः प्रहरी नायव निरीक्षक सहित न्हय्म्ह प्रहरी घाःपाः जूगु दुसाः प्रहरी चौकी क्षतिग्रस्त जूगु दु । आक्रमणकारीतय्सं प्रहरी चौकीइ दुगु छुं छुं ल्वाभः नं लुटे यानायंकूगु दु ।