नेपाः एक चीन नीति प्रति प्रतिबद्ध : कोइराला

नेपाली कांग्रेसया सभापति गिरिजाप्रसाद कोइरालां नेपाः एक चीन नीति प्रति प्रतिबद्ध दुगु खँ धयादीगु दु ।

आइतवाः चिनिया कम्युनिष्ट पार्टीया प्रतिनिधिमण्डल नाप जूगु खँल्हाबंलाय् वय्कल नेपालं न्हापां निसें एक चीन नितीयात समर्थन यानावयाच्वंगु न्ह्यथंनादिसें आः नं नेपाः वहे नीति कथं न्ह्यवनाच्वंगु धयादिल । चिनिया सहायक विदेशमन्त्री ल्यू जेइं नेतृत्व यानादीगु प्रतिनिधिमण्डयात वय्कलं नेपाः व चीन दथुइया मैत्रीपूर्ण स्वपू अझ अप्वः बांलाना वनीगु विश्वास प्वंकादीगु ख: ।

कोइराला निवास महाराजगंजय् जूगु खँल्हाबंलाय् चिनिया नेता जेइं उच्चस्तरीय संयन्त्रं दलत दथुइया सहमति यानाः याकनं राजनीतिक स्थायीत्व कायम याइगु विश्वास प्वंकादिल ।