शान्ति प्रकृयाय् अनमिनं ग्वाहालि मयात : शान्तिमन्त्री

शान्तिमन्त्री रकम चेम्जोङं संयुक्त राष्ट्र संघीय मिसन (अनमिनं) शान्ति प्रकृयायात ग्वाहालि मयाःगु द्वपं बियादीगु दु ।

विराटनगरय् पत्रकारत नाप खँल्हाबंला यानादिसें मन्त्री चेम्जोङं शान्ति प्रकृयायात अनमिनं ग्वाहालि यायेमाः धइगु सरकारया मान्यता खःसां अननिमं वकथं ग्वाहालि मयाःगु धयादिल । वय्कलं अनमिनं माओवादी लडाकुया विवरण उपलब्ध मयाःगु प्रति नं असन्तुष्टि प्वंकादिसें अनमिनं शान्ति प्रकृयायात अवरोध जुइकथंया ज्या यायेमज्यूगु धयादिल ।

अन्तरिम सरकार व माओवादी नेतृत्वया सरकारं लडाकु समायोजन व पुनस्थापनाया ज्यायात प्राथमिकता मब्यूगु कारणं आः जटिलता वःगु धयादिसें वय्कलं वर्तमान सरकारं संविधान जारी जुइ न्ह्यः हे लडाकुया समायोजन व पुनस्थापना यायेत ज्या यानाच्वंगु धयादिल ।