माइक्रो बसया ठक्करं छम्ह मचा सित

गोंगबु क्षेत्रय् तनाव

गोंगबुया बाँनियाटारय् शनिवाः सनिलय् छगः माइक्रो बसं ठक्कर नकूवलय छम्ह मचा सिगु दु । माइक्रोया ठक्करया कारणं च्यादँया मचा कञ्चन राणमगर सिगु खः । तिव्र गतिलय् वःगु बा. १. ज. ८११३ नम्बराया माइक्रों ठक्कर नकेवं मचाः घटना स्थलय् हे मदुगु खः ।

ठक्करय् लानाः मचा सिवं अनया स्थानीयवासीतय्सं लापरवाहीपूर्ण ढंगं माइक्रो ब्वाकूगु धासें चालकयात कारवाही यायेमाःगु व सिम्ह मचाया छेँजःयात क्षतिपर्ती बीमाःगु माग यासें प्रदर्शन यानाच्वंगु दु । प्रदर्शनयात नियन्त्रणय् कयोत प्रहरीं अन दर्जनौ सेल अश्रुग्यास प्रहार यायेवं अनया अवस्था तनावपूर्ण जूगु दु ।