'याकनं हे माओवादी नेतृत्वया सरकार'
एनेकपा (माओवादी)या अध्यक्ष पुष्पकमल दाहाल 'प्रचण्डं' माओवादी नेतृत्वया सरकार याकनं हे गठन जुइगु दाबी यानादीगु दु । वय्कलं उच्चस्तरीय राजनीतिक संयन्त्रय् नं सरकार परिवर्तनया खँ जुयाच्वंगु धयादिसें वर्तमान सरकार याकनं हे क्वःदलीगु धयादिल ।
माओवादी निकट मगर राष्ट्रिय मुक्ति मोर्चा नेपालया निक्वःगु राष्ट्रिय सम्मेलनया शनिवाः स्याङ्जाया वालिङय् उल्लेज्या यानादिसें प्रचण्डं जनतां चुनावय् बुकूपिं व देय्या बरबाद याःपिं षड्यन्त्र यानाः सत्ताय् थ्यंगु द्वपं बियादिसें आः थ्व सरकार ताः ई तक तिकेमजुइगु धयादिल । वय्कलं थ्व सरकारया अन्त्य मजूसाः सतकं संविधान घोषणा यायेगु ख्याच्वः नं बियादिल ।
माओवादी नेतृत्वया सरकारं जक जनमुखि संविधान च्वयाः संघीय गणतन्त्रयात संस्थागत यायेफइगु धयादिसें माओवादी अध्यक्ष प्रचण्डः थुकीयात अवरोध यायेत स्वइपिं प्रतिगामी शक्तितय्त समाप्त यायेगु धयादिल ।
