थौं माओवादीया बलिदान दिवस

येँ (सन्ध्या टाइम्स)/एनेकपा (माओवादीं) थौं थीथी ज्याझ्वः यानाः बलिदान दिवस हनाच्वंगु दु। तत्कालीन नेकपा (माओवादी)पाखें २०५२ साल फागुन १ गते सुरु याःगु जनयुद्धया झ्वलय् फागुन १४ गते प्रहरीं गोरखाया ११ दँ दुम्ह दिलबहादुर रम्तेयात स्याना बिउगु लुमन्तिइ दँय्दसं फागुन १४ गते बलिदान दिवस हना वयाच्वंगु खः। माओवादीं रम्तेयात जनयुद्धया न्हापांम्ह सहिद धकाः घोषणा यानातःगु दु। जनयुद्धया न्हापांम्ह सहिद जूगु दिंनिसें झापा आन्दोलनया झ्वलय् सुखानीइ हत्या जूगु न्हि फागुन २१ गते तकयात नालाः छवाः तक माओवादीं बलिदान दिवस धकाः हना वयाच्वंगु खः ।