प्रहरी व सशस्त्र पुचः गोलीं कयेकाः ल्वापु

येँ (सन्ध्या टाइम्स)/सिराहाया घनगढीइ प्रहरी व सशस्त्र पुचः दथुइ गोलीं कयेकाः ल्वापु जूगु दु। उगु गोली हानाहानय् सुं नं घाःपाः मजूसां प्यम्हेसित धाःसा प्रहरीं ज्वंगु दु। वंगु चान्हय् उगु ल्वापु जूगु खः। ल्वाभः ज्वना वःगु उगु पुचः अपहरणकारीत खः धाःगु दु। न्यान्हु न्ह्यः शम्भु गप्तायात अपहरण यानाः ध्यबा माग याःपिं उपिं अपहरणकारी व प्रहरीया दथुइ घनगढीइ लाथेपाथे गोलीं कयेकाः ल्वापु जूगु खः। अपहरणकारीतय्सं आः तक नं अपहरित गुप्तायात त्वःतूगु मदुनि धाःगु दु ।