झिंन्हय्म्ह तिब्बती नागरिक ज्वन

चीननाप स्वाःगु सीमा क्षेत्र दोलखाया लामावगर नाका जुयाः अवैध रुपं नेपाः दुहांवःपिं झिंन्हय्म्ह तिब्बती नागरिकयात प्रहरीं बिहीवाः सनिलय् ज्वंगु दु । लामावगर नाका जुयाः भारतय् वनेत्यंपिं झिम्ह मिसा व न्हय्म्ह मिजंयात प्रहरीं ज्वंगु खः । ज्वंपिं दक्वसितं शुक्रवाः न्हिनय् जिल्ला प्रहरी ज्याकू दोल्खाय् हःगु दु । शनिवाः व आइतवाः सार्वजनिक बिदा जूगुलिं ज्वंपिं तिब्बतीतय्त सोमवाः अध्यागमन विभागया जिम्म बीगु खँ दोलखा प्रहरीं ज्याकूथीं धाःगु दु ।

वंगु शनिवाः जक प्रहरीं वहे नाकां प्यम्ह तिब्बतीतय् अवैध रुपं नेपाः दुहांवःगु इलय् ज्वंगु खः । अथेहे फागुनय् जक दोलखाया लामावगर नाका जुयाः नेपाः दुहांपिं न्यय्म्ह तिब्बती नागरिकयात प्रहरीं ज्वंगु खः ।