जा थुइगु ग्याँस बन्द
येँ (सन्ध्या टाइम्स)/नेपाल आयल निगमं माग कथं आपूर्ति याये मफुगु कारण क्यँसें एलपी ग्याँस उद्योग संघ व ग्याँस बिक्रेता महासंघं थनिंनिसें एलपी ग्याँस मीगु ज्या बन्द याःगु दु ।
निगमं ग्याँस आपूर्ति मयायेवं देय्न्यंकंया २५ ग्याँस उद्योग व झिद्वः सिबें अप्वः ग्याँस बिक्री केन्द्रं बिक्री बन्द याःगु खः। नेपालय् न्हिं ३० निसें २५ ट्यांकर ग्याँस माग जुयाच्वंगु इलय् नं निगमं धाःसा ६ ट्यांकर जक ग्याँस बियाच्वंगु खँ संघं धाःगु दु। थुकिं यानाः उपभोक्तात प्रभावित जूगु दु।
म्हिगः छगू पत्रकार सम्मेलन यानाः संघं ग्याँस मीगु बन्द याःगु खः ।
