थनिंनिसें निन्हु निचा सत्याग्रह

येँ (सन्ध्या टाइम्स)/क्वःछिनातःगु इलय् हे अग्रगामी नापं मानव अधिकार सम्मत संविधान दयेकेमाःगु माग यासें थौं सुथय् ८ बजेनिसें नागरिक आन्दोलनया न्ह्यलुवात संविधानसभा भवन न्ह्यःने सत्याग्रह धर्नाय् च्वंगु दु। ४८ घण्टा ताःहाकःगु उगु धर्ना निन्हु निचा न्ह्याइगु खँ ग्वसाः खलः लोकतन्त्र व शान्तिया निंतिं नागरिक आन्दोलनया कजि डा. देवेन्द्रराज पाण्डें कनादीगु दु। आन्दोलनं फागुन २५ गते संविधानसभा न्ह्यःने नागरिक खबरदारी सभा यायेगु ग्वसाः ग्वयातःगु दु ।