न्हूदँ गडबड मयायेत इनाप
येँ (सन्ध्या टाइम्स)/नेपाल पंचाङ्ग समितिं आः पिथने त्यंगु विक्रम संवत्या पात्रो व क्यालेण्डरय् वंगु दँय् थें हे स्वन्ति नखःया तिथियात घडी पलाया आधार धकाः नेपाल संवत्या न्हूदँ, म्हपुजा, लक्ष्मीपुजा व किजापुजाया तिथि गडबड यानाः पिथने फइगु सम्भावनायात कयाः सचेत याये कथं नेपालभाषा मंकाः खलकं पात्रो पिदने न्ह्यः हे सचेत यायेगु निर्णय याःगु दु ।
लिसें आः वइगु चिल्लागा पंचमि कुन्हु छगू बौद्धिक बिचाः गोष्ठी यानाः नेपाः सरकारयात नेपाल संवत्या तिथि व नेवाःतय्गु दकलय् तःजिगु नखः म्हपुजा सम्बन्धि धारणा न्ह्यब्वयेगु निर्णय नं याःगु दु ।
मंकाः खलकं सरकारी सार्वजनिक विदाया धलखय् नेपाल संवत्या न्हूदँ कुन्हु नं सार्वजनिक विदा धकाः हे न्ह्यथनाः पात्रो पिथनेमाःगु माग नं याःगु दु ।
