कन्हय् लुँवहः पसः बन्द
येँ (सन्ध्या टाइम्स)/थनया पुलांगु वानेश्वरय् म्हीग छगू लुँवहः पसलय् करोडौं तकाया तिसा लुटे याना यंकूगु घटनाया विरोधय् स्वनिगःया लुँवहः व्यवसायीतय्सं कन्हय् थःपिनि पसः बन्द याइगु जूगु दु। नेपाल सुनचाँदी व्यवसायी संघया नायः तेजरत्न शाक्यं थौं छगू प्रेस विज्ञप्ति जारी यासें वंगु माघं निसें लुँवहः पसलय् लुटपाट याइगु घटना हानं अप्वया वयाच्वंगु दु धासें उकियात पनेगु लागिं दवाव स्वरुप कन्हय् बजाः बन्द यायेत्यनागु खँ कनादीगु दु ।
म्हीग बानेश्वरया भोजपुर दिंगला सुनचाँदी पसल धाःथाय् लुटपाट यानाः करोड तका स्वयां अप्वःया सम्पत्ति यंकूगु दु ।
