थनिंनिसें ग्यास आयात व बिक्री बन्द
येँ (सन्ध्या टाइम्स)/ थनिंनिसें ग्यासया आयात व आपूर्ति बन्द जूगु दु। एलपी ग्यास उद्योग संघ व ग्यास विक्रेता महासंघया पदाधिकारीतसें आपूर्ति व विक्री बन्द यायेगु घोषणा यायेवं बजारय् थुकिया अभाव जुइगु जूगु दु।
बजारय् ग्यासया माग कथं आपूर्ति जुयामच्वंगुलिं थनिंनिसें पूर्ण रुपं थःपिंसं ग्यास मीगु बन्द यायेत्यनागु ग्यास विक्रेता महासंघं छगू पत्रकार सम्मेलन यासे गुकिया जानकारी बिउगु खः ।
ग्यास आयातय् सुधारया व्यापक आवश्यकता दुगु धासें महासंघं तत्कालया हे आयात व विक्री यायेगु खःसा उचित व्यवस्था यायेमाःगु खँय् बः बिउगु दु ।
उगु पत्रकार सम्मेलनय् ग्यासया आयातय् खनेदुगु थ्व समस्याया जिम्मेवार आयल निगम व सरकार जूगु व सीकं चायेकं नं थुकिया समस्या ज्यंकेगु पाखे निगुलिं निकायं छुं हे चिउताः मक्यंगु नं द्वपं बिउगु दु ।
