थनिनिसें एलपी ग्याँसया बिक्रि बितरण बन्द

एलपी ग्याँस उद्योग व ग्याँस बिक्रेता महासंघं बजाःया माग कथं ग्याँसया आयात जुइमफुगु धासें थनिनिसें ग्याँस बिक्रि बितरण पूर्ण रुपं बन्द याःगु दु ।

उमिसं एलपी ग्याँसया आयातय् नेपाल आयल निगम व सम्बन्धीत मन्त्रालयं गैरजिम्मेवारी क्यंगु द्वपं ब्यूगु दु । आयल निगमं बजाःया माग व उद्योगयात ब्यूगु कोटा बमोजिम ग्याँस आयातया व्यवस्था मयाःगु धासें तत्काल उकीया आयातय् सुधार हयेमाःगु माग नं ग्याँस बिक्रेता महासंघं व एलपी ग्याँस उद्योगं याःगु दु ।

ग्याँसया बिक्रि वितरण बन्द जुइवं उपभोक्तात मारय् लागू दुसा थन हाकू बजारी नं सुरु जूगु दु । ग्याँस बिक्रि वितरण बन्द नापं सुरु जूगु हाकू बजारीं छगू सिलिन्डर ग्याँसया निद्वं तक पुलाः न्यायेमाःगु गुनासो उपभोक्तातय्सं याःगु दु ।