संविधान जारी याये न्ह्यः ल्वाभः व लडाकु व्यवस्थापन
नेकपा (एमालें) संविधान निर्माण याये न्ह्यः हे माओवादीया ल्वाभः व्यवस्थापन जुइमाःगु व शिविर खाली यायेमाःगु खँ धाःगु दु । बुधवा: च्वंगु केन्द्रीय कमिटिया बैठक लिपाः पिथंगु विज्ञप्तिइ एमालें विशेष समितियात ग्वाहालि यायेत व छुं नं पूर्व सर्त न्ह्यब्वयाः बाधा व्यवधान उत्पन्न मयायेत नं माओवादीयात इनाप याःगु दु ।
अथेहे बुधवाःया च्वंगू एमालेया केन्द्रीय कमिटीया बैठकं शान्ति, संविधान व राष्ट्रियताया निंतिं स्वलाया कार्ययोजना पारित याःगु दु । निर्धारित इलय् हे संविधान निर्माण जुइमफुसाः देय् अस्तव्यस्त जुइगु खतरा दुगुलिं संविधान निर्माणया संकल्प पूवंकेगु पाखे केन्द्रीत जुइत दक्वं राजनीतिक दलतय्त इनाप नं याःगु दु ।
एमालें शान्ति, संविधान व राष्ट्रिय एकताया निंतिं दक्वं विकल्पय् सहलह यायेत तयार जूगु खँ धाःगु दु । बुधवाःया बैठकं थुकीया निंतिं पार्टी स्थायी समिति दुजः केपी ओलीया संयोजकत्वय् छगू समिति नं गठन याःगु दु ।
