न्हूम्ह शिक्षामन्त्री पाखें शपथग्रहणट

न्हूम्ह शिक्षामन्त्री सर्वेन्द्रनाथ शुक्लां बुधवाः न्हिनय् राष्ट्रपति भवन शितल निवासय् पद व गोपनीयताया शपथ ग्रहण यानादीगु दु । राष्ट्रपति डा. रामवरण यादवया उपस्थितिइ प्रधानमन्त्री माधवकुमार नेपालं वय्कयात शपथ ग्रहण याकादीगु खः । शपथ ग्रहण समारोहलय् उपराष्ट्रपति परमानन्द झा, संवैधानिक निकायया प्रमुख लगायत मन्त्रीतय् उपस्थिति दुगु खः ।

थ्वस्वयां न्ह्यः शिक्षामन्त्री जुयादीम्ह रामचन्द्र कुशवाहा थीथी विवादय् संलग्न जूगु धासें तराई लोकतान्त्रिक पार्टीं वय्कयात लितः सःतुगु खः । पार्टीया कार्यकर्तातय् दवाब अप्वयेवं कुशवाहायात लितः सःता बुधवा: हे शुक्लायात वय्कया थासय् छ्वःगु खः ।