प्रधानमन्त्री व मन्त्रीतय् सवारी साधनया विवरण माग
व्यवस्थापिका संसद अन्तर्गतया सार्वजनिक लेखा समितिं प्रधानमन्त्री, मन्त्रीत व उच्च तहया कर्मचारीतय्सं गयाजुइगु सवारी साधनया विवरण माग याःगु दु ।
थीथी संस्थानया सवारी दुरुपयोग जूगु गुनासो वयेवं बुधवाः च्वंगु लेखा समितिया बैठकं न्हय्न्हूया दुने आः प्रयोग जुयाच्वंगु सवारी साधन व सुविधानया विवरण माग याःगु खः । प्रधानमन्त्री, मन्त्री नापं संस्थानपा प्रमुख व पदाधिकारीतय्सं संस्थानया सवारी साधन छ्यलेगु नापं इन्धन व मर्मतया निंतिं नं ध्यबा कायेगु यानाः वयाच्वंगु गुनासो वःगु खः ।
कर्मचारीतय्सं विद्युत प्राधिकरण घाटाय् वनाच्वंगु धासें वंगु वालय् जक एमाले नेता केपी ओलीं गयाजुइगु सवारी साधार लितकाःगु खः । अथेहे पुलांम्ह प्रधानमन्त्री शेरबहादुर देउवा लगायत नेतातय्सं प्राधिकरणया सवारी साधान गयाजूगु खँ धाःगु दु ।
अथेहे समितिं दैनिक उपभोगग्य वस्तुया अभाव सम्बन्धय् सहलह यायेत बुधवा: हे आपूर्ति मन्त्रयालयया सचिव, आयल निगम व खाद्य संस्थानया महाप्रवन्धयात नं सतुसां मवःगु धासें आपत्ति प्वंकूगु दु । अनुपस्थित जूगु कारण सहित समितिं शुक्रवाःया बैठकय् उपस्थित जुइत हानं निर्देशन ब्यूगु दु ।
