थौं जगतसुन्दर ब्वनेकुथिया नीदँ बुन्हि
येँ (सन्ध्या टाइम्स)/नेपालभाषाया माध्यमं आखः ब्वंकीगु नेपाःया हे न्हापांगु स्कुल जगतसुन्दर ब्वनेकुथि थौं नीदँ क्यन। नीदँ न्ह्यः बहुदलीय संविधान जारी जुइवं उकी मातृभाषां प्राथमिक शिक्षा बी दइ धकाः उल्लेख यानातःगु धाराया लिधंसाय् उबलय्यापिं छथ्वः भाषासेवीपिं जानाः थुगु ब्वनेकुथि स्वनेगु ज्या जूगु खः ।
थौं ब्वनेकुथिया नीदँ बुन्हि हनेगु । झ्वलय् जगतसुन्दर ब्वनेकुथिइ छगू ज्याझ्वः याइगु ग्वसाः दु। ज्या। झ्वलय् शिक्षामन्त्री रामचन्द्र कुसवाह मूपाहां कथं झाइगु ग्वसाः दु। ज्याझ्वलय् जगतसुन्दर ब्वनेकुथि स्वनेगु ज्याय् थीथी कथं ग्वाहालि यानादीपिंत हनेगु नं ग्वसाः दु ।
शुरुइ प्राथमिक तगिं तक जक तयाः न्ह्याकूगु थुगु ब्वनेकुथिं थगुने तिनि एसएलसी परिक्षाय् न्हापांखुसी ब्वति कयाः बांलाःगु लिच्वः हःगु खः। थुगुसी नं एसएलसी परिक्षाया लागिं ब्वनेकुथिपाखें विशेष तयारी यानाच्वंगु खँ सीदुगु दु ।
