प्रजापतितय् राष्ट्रिय तःमुँज्या बैशाखं
येँ (सन्ध्या टाइम्स)/राष्ट्रिय प्रजापति समाजया न्हापांगु राष्ट्रिय महाधिवेशन वइगु बैशाख १५ गते जुइगु जूगु दु। बसन्तपुलिं सांस्कृतिक र्याली सहित राष्ट्रिय सभागृहय् उलेज्या समारोह यानाः थिमिया कृषि विकास बैंकया तालिम केन्द्रय् उगु महाधिवेशनया बन्द सत्र याइगु ज्याझ्वः दु। महाधिवेशया झ्वलय् 'प्रजापति म्हसीका' नांगु सफू पित बीगु तयारी जुयाच्वंगु खँ राष्ट्रिय प्रजापति समाजं धाःगु दु।
महाधिवेशनया उलेज्या राष्ट्रपति डा. रामवरण यादवपाखें याकेगु ग्वसाः जुयाच्वंगु खँ नं धाःगु दु ।
महाधिवेशन तयारी स्वरुप येँ, यल, ख्वप नापं भ्वँत, पन्ति, हेटौंडा लगायत नेवाः प्रजापतित दुगु देय्न्यंकंया थीथी थासय् समाजया ईकाइ समिति स्वनेगु ज्या तीब्र ढंगं न्ह्यानाच्वंगु दु। थ्वयां न्ह्यः फागुन २९ गते सनिवाः राष्ट्रिय प्रजापति समाजया महाधिवेशन यायेगु क्वःछिनातःगु दु ।
