सतः व देगः जीर्णोद्धार क्वचाल
यल (सन्ध्या टाइम्स)/थनया लगंख्यलय् च्वंगु बटुक भैरवया श्रीनाथ परिसर दुने श्रीनाथया भजन सतः जीर्णोद्धार व सरस्वती देगः निर्माण क्वचाःगु लसताय् छगू ज्याझ्वः जुल। भाजु नजरमान रंजितकारया सभापतित्वय् जूगु उगु ज्याझ्वः यल उपमनपाया प्रमुख अर्जुनकुमार थापां उलेज्या यानादीगु खः ।
ज्याझ्वलय् सभासद् रामकृष्ण चित्रकार नापं माओवादीया सरोज सिंह, सशस्त्र प्रहरीया डीआईजी सिंह बहादुर श्रेष्ठ, श्री बटुक भैरवनाथ क्षेत्र विकास संस्थाया अध्यक्ष सागर मान रंजितकार, उपाध्यक्ष अशोक श्रेष्ठ नापं उकी ग्वाहालि यानादीपिं दाता व आपालं भक्तजनपिनि उपस्थिति दुगु खः। ज्याझ्वलय् बसन्त रंजितकारं मंगल धुन व सरस्वतीया बसन्त म्येँ नं न्यंकादीगु खः ।
