राप्रपा नेपालया सिंहदरवार धर्नाय् लाठी चार्ज

राष्ट्रिय प्रजातन्त्र पार्टी नेपालया सिंहदरवार धर्ना ज्याझ्वलं भद्रकालीया निषेधित क्षेत्र उल्लंघन यायेवं प्रहरीं लाठी चार्ज याःगु दु । भद्रकालीइ क्षेत्रय् यातायात सुचारु यायेत सतकय् च्वनाच्वंपिं धर्नाकारीयात चीकेगु झ्वलय् प्रहरीं लाठी चार्ज याःगु खः । लाठीचार्जय् लानाः राप्रपा नेपाल संसदीय दलया नेता चन्द्रबहादुर गुरुङ लगायत छुं नेतात घा:पाः जूगु दु ।

इलय् हे संविधान निर्माण लगायतया माग यानाः उगु पार्टीं मंगलवाः भद्रकाली, माइतीघर, हनुमानथान, कालिकास्थान लगायतया सिंहदरवार प्रवेश याइगु नाकां धर्ना ब्यूगु खः । न्हिनसिया निता: ई तक न्ह्या:गु धर्ना ज्याझ्वलं यानाः उगु क्षेत्रया यातायात प्रभावित जूगु खः ।