देशय् अझ नं गणतन्त्र व राजतन्त्र दथुइ ल्वापु : देउवा
नेपाली कांग्रेसया वरिष्ठ नेता शेरबहादुर देउवां देशय् अझ नं गणतन्त्र व राजतन्त्र दथुइ ल्वापु न्ह्याकेगु ज्या न्ह्यानाच्वंगु खँ धयादीगु दु । नेपालय् राजतन्त्र दुगु इलय् निक्वःतक प्रधानमन्त्री जुयादीम्ह नेता देउवां सोमवा: कपिलवस्तुया सदरमुकाम तौलिहवाय् ग्वसाःग्वःगु पत्रकार नापलाये ज्याझ्वलय् उगु बिचाः तयादीगु खः ।
वय्कलं देय् गणतन्त्र व संघीयताय् वनेधुंकूगुलिं हाकनं राजतन्त्रया विषययात कयाः बन्द, हड्ताल याइगु पार्टीयात जनतां पाय्छि थासय् हइगु धयादिल । वय्कलं माओवादीया जनसेना व ल्वाभः व्यवस्थापन मजुइकं स्थायी शान्ति सम्भव मजुइगु दाबी यानादिसें ल्वाभः व्यवस्थापन लिपा जक सेना समायोजनया ज्या क्वःचाइगु धयादिल ।
ज्याझ्वलय् कांग्रेसया महामन्त्री कुलबहादुर गुरुङं उच्चस्तरीय राजनीतिक संयन्त्रं गम्भीर जुयाः शान्ति प्रकृयायात लिच्वलय् थ्यंकेत व संविधान दयेकेगुलिइ ग्वाहालि यायेमाःगु प्वंकादीगु ख: ।
