युवा सम्मेलन २०६६ शुरू
'समृद्धिया निंतिं ल्याय्म्हपिनिगु नेतृत्व' धइगु मू नारालिसे राष्ट्रिय युवा सम्मेलन - २०६६ सोमवा: निसें येँय् न्ह्याःगु दु । राष्ट्रिय युवा संस्था महासंघ नेपालया ग्वसालय् जावलाख्यःस च्वंगू स्टाफ कलेजय् न्ह्याःगु सम्मेलनय् माओवादी सभासद् चन्द्रबहादुर थापा 'सागर' व एमालेया सभासद् रवीन्द्र अधिकारीं मंकाः कथं उलेज्या यानादीगु खः ।
उगु सम्मेलन उपराष्ट्रपति परमानन्द झां उलेज्या याइगु धयातःसां बन्दया कारण उपराष्ट्रपति झायामदीगु खः ।
सम्मेलनया निंतिं देय्न्यंकया स्वसः स्वयां आपालं ल्याय्म्ह प्रतिनिधीपिनिगु ब्वति दुसा: खःसां मंगलावा: तक न्ह्याइगु सम्मेलनय् थीथी विषयस केन्द्रीत जूगु खुगू कार्यपत्र दथुइ सहलह जुइगु खँ राष्ट्रिय युवा संस्था महासंघ नेपालं जानकारी ब्यूगु दु ।
ज्याझ्वलय् डा. सुरेन्द्र केसी, डा. बालकुमार केसी लगायतपिंसं ल्याय्म्हपिं न्ह्यःने न्ह्यांमवंतले देय्या विकास सम्भव मजुइगु धयादीगु ख: ।
