आः जनविद्रोह माओवादी विरुद्ध : मन्त्री श्रेष्ठ

सामान्य प्रशासनमन्त्री रवीन्द्र श्रेष्ठं संविधान मदयेकूसा आःया जनविद्रोह माओवादी विरुद्ध लक्षित जुइगु दावी यानादीगु दु । सोमवा: वीरगन्जय् ग्वसाःग्वःगु साक्षात्कार ज्याझ्वलय् मन्त्री श्रेष्ठं वर्तमान राजनीतिक पंगः व सेना व्यवस्थापनय् खनेदुगु पंगःया ल्यूने माओवादी हे जिम्मेवार दुगु द्वपं बियादिल । मन्त्री श्रेष्ठं आम संचारमाध्यमतय्सं नेताया स्वयां जनताया खँयात प्राथमिकता बिइमाःगु नापं न्ह्यथनादिल ।