इटालीया संचार माध्यय् खगेन्द्र प्राथमिकताय्

विश्वया हे दकलय् चिधिकःम्ह मनूया कथं गिनिज बुकय् नां च्वकेगु उद्देश्यं इटाली थ्यंम्ह बागलुङ्गया झिच्यादँया खगेन्द्र थापा मगरयात अनया संचार माध्यमतय्सं प्राथमिकता ब्यूगु दु । थः अबुलिसे आइतवा: इटाली वंम्ह खगेन्द्रं इटालीया 'टेलिभिजन सो' पाखें थःगु दाबी न्ह्यब्वइगु ज्याझ्व: दु ।

गिनिज बुकय् दकले चिधिकःम्ह मनूया कथं आःतक चीनया नीगुंगू इन्चया पीङ्गपीङ्गया नां न्ह्यथनातःगु दु । खगेन्द्र धाःसा मुक्कं नीनिगू इन्च याम्ह खः ।