दलित सभासद् मञ्चं मंकाः ज्याझ्वः सार्वजनिक

समावेशी लोकतान्त्रिक गणतन्त्र, राष्ट्रिय स्वाधीनता व समतामूलक समाजया पलिस्थाया निंतिं न्हूगु संविधानय् दलित अधिकार सुनिश्चित यायेत दलित सभासद् मञ्चं मंकाः ज्याझ्वः सार्वजनिक याःगु दु । मञ्चं संघीय मन्त्रिपरिषद् व व्यवस्थापिकाय् समानुपातिक पद्बति कथं क्षतिपूर्तिस्वरुप न्हय्गू प्रतिशत तनाः आःयात नीगू प्रतिशत दलित समुदायया प्रतिनिधित्व सुनिश्चित यायेमाःगु माग या:गु दु ।

अथेहे प्रदेश व स्थानीय निकायया कार्यपालिका व व्यवस्थापकीय नीति-निर्माण यायेगु अंगय् समानुपातिक दथुइ क्षतिपूर्तिस्वरुप न्हय्गू प्रतिशत तनेमाःगु माग यासें मंकाः ज्याझ्वः क्वःछ्यूगु खँ मञ्चया दुजः व राज्यया शासकीय स्वरुप निर्धारण समितिया सभापति शम्भुहजारा दुसाधं कनादिल । वय्कःयलं संघीय सेना, प्रहरी, अदालत निसें सरकारी व अर्धसरकारी निकाय संवैधानिक अंगय् समानुपातिक दथुइ क्षतिपूर्तिस्वरुप न्हय्गू प्रतिशत तनाः आःयात नीगू प्रतिशत प्रतिनिधित्व जुइगु व्यवस्था यायेगु कनादिल ।