मांभाय् दिवसया लसताय् द्वाल्खाया नेवाः मुना
येँ (सन्ध्या टाइम्स)/विश्व मातृभाषा दिवस हनेगु झ्वलय् द्वाल्खा नेपालभाषा खलकं थन छगू मुना ज्याझ्वः यात। खलकया नायः नहेन्द्र प्रधानया सभापतित्वय् जूगु उगु ज्याझ्वलय् नेपालभाषा ख्यःया आपालं न्ह्यलुवा व कार्यकर्तातय्सं ब्वति काःगु खः। ज्याझ्वलय् सहभागी सकसिनं आः दयेकीगु न्हूगु संविधानय् सकस्यां मांभाय्या म्हसीका कायम जुइमाःगु बिचाः प्वंकादीगु खः ।
ज्याझ्वलय् द्वाल्खा नेवाः भाय् ल्हाइपिं द्वाल्खा नापं काभ्रेपलाञ्चोक, सिन्धुपाल्चोक, तौथली, जेठल व लिस्तीइ च्वंपिं नेवाः कार्यकर्तातय्सं ब्वति काःगु खः ।
अन्तर्राष्ट्रिय मातृभाषा दिवसया लसताय् म्हिगः नेपाल प्रज्ञा प्रतिष्ठानय् नं छगू ज्याझ्वः जूगु खः। प्रतिष्ठानय् न्हूपिं पदाधिकारीत वयेधुंकाः अन जूगु थ्वहे न्हापांगु सार्वजनिक ज्याझ्वः खः ।
