थौं फोरमया निर्णायक आन्दोलन घोषणा
येँ (सन्ध्या टाइम्स)/प्रतिपक्षी पार्टी मधेसी जन अधिकार फोरमं थौं न्हूगु कथंया निर्णायक आन्दोलनया घोषणा याइगु जूगु दु ।
मधेसय् आन्दोलन याना वयाच्वंगु मधेसी जनअधिकार फोरमया सहअध्यक्ष जयप्रकाश गुप्तां मधेसया मुद्दायात सरकारं तिरस्कार याःगु कारणं थौं निर्णायक आन्दोलन घोषणा यायेत्यनागु जानकारी बियादीगु दु।
संचारकर्मीतलिसे खँ ल्हासें वय्कलं आन्दोलनया ज्याझ्वः गुज्वःगु जुइ धकाः सार्वजनिक यानामदी। एनेकपा (माओवादी), नेपाली कांग्रेस व नेकपा (एमालें) नं मधेसया आन्दोलनयात वेवास्ता याःगु नापं थ्व पार्टीत एक मधेस एक प्रदेशया पक्षय् मदुगु व अःखतं मधेसयात कमजोर यायेगु लागिं षडयन्त्र यानाच्वंगु कारणं थःपिं बाध्य जुयाः आन्दोलनय् कुहां वयेमाःगु खँ नं वय्कलं कनादीगु दु ।
