विश्वया हे चीधिकःम्ह खगेन्द्र इटालीपाखे

येँ (सन्ध्या टाइम्स)/विश्वया हे दकलय् चीधिकःम्ह व दकलय् तौल कम जूम्ह धकाः नालातःम्ह नेपाःमि खगेन्द्र थापा मगर गिनिज बुकय् थःगु नां दुथ्याकेगु निंतिं थौं इटालीपाखे वंगु दु। बाग्लुङय् जन्म जूम्ह झिंच्यादँया खगेन्द्र २० इन्च जक दुसा वय्कःया तौल साढे चार किलो जक दु। म्हिगः वय्कःयात अमेरिकाया बाल्टिमोर राज्यया नितिं अवैतनिक नेपाली दूत प्रेमराजा महतं बिदाई यानाः उपहार तकं लःल्हाःगु खः ।