ख्वपया कलात्मक मूर्ति खुया यन

ख्वप (सन्ध्या टाइम्स)/ख्वप नपा २ वडाय् लाःगु क्वँय्लाछि त्वालय् च्वंगु फल्चाय् स्थापना यानातःगु कलात्मक राधाकृष्णया मूर्ति म्हिगः चान्हय् खुया यंकूगु दु। दछि न्ह्यः नं उगु मूर्ति खुया यंकेगु लागिं खुँतय्सं गलं धिनाः खुइगु कुतः याःगु खः। अबलय् खुइ मफुगु उगु मूर्ति थुगुसी धाःसा क्वय्या आधार भाग हे कुचा थलाः खुया यंकूगु दु। करिब देढ फुट जाःगु बांलाःगु ल्वहंया अंगलय् तिकातःगु उगु कलात्मक मूर्ति उगु फल्चाया शोभा जुयाच्वंगु खःसा स्थानीय मनूतय्सं न्हियान्हिथं पूजा यानाः जल अर्पण याइगु खः। म्हिगः सुथय् जल अर्पण यायेत वंगु इलय् मूर्ति गायब जुयाच्वंगु खंकूगु खः ।