सुयां ध्यान मवंगु समितिइ माधव
संविधान दयेकेगु ज्याय् सुयां हे ध्यान मवनाच्वंगुलिं थ्व ध्यान वंके बीगु लागिं संवैधानिक समितिइ थःत सभापति दयेकूगु खँ नवनिर्वाचित सभापित माधव नेपालं कनादीगु दु । म्हिगः बीबीसी नेपाली सेवालिसे खँ ल्हासें वय्कलं थःगु समितिइ फुक्क हे पार्टीया शीर्षस्थ नेतात दुगुलिं थ्व तसकं महत्वपूर्ण समिति खः धकाः नं दावी यानादिल । वय्कलं संविधान दयेकेगु ज्यायात प्राथमिकताय् हयेगु लागिं थम्हं फक्व कुतः यायेगु खँ नं कनादिल ।
म्हिगः उगु पदया लागिं जूगु चुनावय् विशेन्द्र पासवानयात बुकाः भाजु नेपाल निर्वाचित जुयादीगु खः ।
