'संचारकःमितय्त आक्रमण याइपिंत सरकारं उन्मुक्ति बीमखु'

गृहमन्त्री भीम रावलं संचारकःमितय्त आक्रमण याइपिं दोषियात सरकारं उन्मुक्ति मबीगु खँ धयादीगु दु । वय्कलं स्वतन्त्र प्रेसया सुरक्षाया निंतिं सरकार प्रतिबद्ध दुगु धयादिल ।

आइतवा: नेपाल प्रेस युनियनया ज्ञापन पौ लःल्हाना कायेगु झ्वलय् गृहमन्त्री रावलं देय् संक्रमणकालीन अवस्थाय् दुगु धयादिसें थज्याःगु इलय् अपराधीक तत्वं लवः कायेफइगु खँय् पत्रकारत नं सचेत जुइमाःगु धयादीगु ख: । अथेहे वय्कलं अपराधिक कृयाकलाप जुइमबीकेत सरकार प्रतिबद्ध दुगु धयादीगु ख: ।