थारुतय्त स्वन्हु विदाया माग

घ्यःचाकु संल्हूया लसताय् थारुतय्त स्वन्हु विदा बीमाःगु माग थारु समुदायया थीथी पुचलं याःगु दु । गुंगू थारु संघसंस्थातय्सं मंकाः प्रेस विज्ञप्ति पिकासें उगु माग याःगु खः । प्रेस विज्ञप्तिइ पुसया अन्तिम न्हि व माघ १ व २ गते विदा बीत माग यानातःगु दु । अथे हे कृष्ण जन्माष्टमीया निन्हु, चिरदहन होलीया निन्हु पूर्व तराईनिसें पश्चिम महाकाली तक विदा बीमाःगु माग नं उमिसं याःगु दु । उमिसं अगस्त १ कुन्हु अन्तर्राष्ट्रिय आदिवासी दिवसया लसताय् नं विदा बीत माग याःगु दु । प्रेस विज्ञप्तिइ नेपाः फुकसिया िनंितं खः धइगु पुष्टि यायेत नं उगु विदा बीमाः धयातःगु दु ।