'छगू ल्वाभ: छम्ह सेनाया आधारय् सेना समायोजन'

उपप्रधानमन्त्री विजयकुमार गच्छदारं आः एकीकृत नेकपा (माओवादी) लिसे १४ जेठय् हे संविधान दयेकेगु वा जनता विरुद्ध ल्वायेगु धका: घोषणा यायेगु निगू विकल्प जक ल्यं दु खँ धयादीगु दु । संविधान घोषणा यायेगु इलय् सरकार हिलेत स्वयेगु निरर्थक जूगु नं वय्कलं धयादिल।

शनिवा: येँ ग्वसाः ग्वःगु साक्षात्कारय् ज्याझ्वलय् गच्छदारं उच्चस्तरीय राजनीतिक संयन्त्रं शान्ति व संविधानया निंतिं सहजकर्ताया भूमिका निर्वाह यायेगु पलेसा सरकार क्वःथलेगु कासाय् वंसा मधेसवादी दलतय्सं हस्तक्षेपकारी भूमिकाय् म्हितेगु ख्याच्वः बियादिल । छगू ल्वाभ: छम्ह सेनाया आधारय् माओवादी जनसेनायात समायोजन यायेमाःगु धयादिसें गच्छदारं धयादिल, 'माओवादीं स्वीप्यसः ल्वाभ: जक क्यंगूलिं उलियात जक व्यक्तिगतरुपं सेनाय् कायेफइ ।'