दलया नेतात संविधान च्वयेगु निंतिं छधी जुइमा : नेम्वाङ

संविधानसभाया नायः सुवासचन्द्र नेम्वाङं दक्वं राजनीतिक दलया नेतात संविधान च्वयेगु निंतिं छधी जुइमागु थाय् वय्कःपिं हे ब्यागलं ब्यागलं जुयाच्वंगु खँ धयादीगु दु । ख्वपया खरिपाटीस नेपाल स्काउटं ग्वसाःग्वःगु स्काउट क्याम्पोरीया शनिवा: उलेज्या यानादिसें वय्कलं दलया नेतात आः तज्याःना मखु छधी जुयाः वनेगु ई खः धयादिल । सभामुख नेम्वाङं दल व दलया नेतातय्त स्काउट क्याम्पोरी थें हे क्याम्पोरी दयेका छगू हे थासय् तयेफुसा जक गुइन्हूया दुने संविधान दयेकेफइगु बिचाः प्वंकादीगु ख ।