व्यवसायी श्रेष्ठयात युथफोर्सया कार्यकर्तातय्सं आक्रमण

फर्निचर व्यवसायी संघया येँ जिल्लाया न्वकु धनबहादुर श्रेष्ठयात युथफोर्सया कार्यकर्तातय्सं आक्रमण याःगु दु । आक्रमणय् लाना: घा:पा: जुम्ह श्रेष्ठयात काठमाडौं मोडल अस्पतालया आइसियु कक्षय् वासः याकातःगु दु ।

शुक्रवा: बहनि थःगु छेँय् लिहांवनाच्वंगु इलय् श्रेष्ठयात युथफोर्सया विशाल, सुरेश व माने नांया कार्यकर्तातय्सं आक्रमण याःगु खः । आक्रमणय् ल्हाः दुम्ह विशाल नांयाःम्ह युथफोर्सया कार्यकर्तायात प्रहरीं ज्वंगु दु । वयात महानगरीय प्रहरी प्रभाग सिंहदरबारय् तयातःगु दु । मेपिं आक्रमणकारीत धाःसा बिस्यूं वनेत ताःलाःगु दु ।