जातीय आधारय् प्रान्तीय राज्य जुइमज्यू : रिजाल

संघीय मामिला, संविधानसभा व संस्कृतिमन्त्री मिनेन्द्र रिजालं जातीय आधारय् प्रान्तीय राज्य जुइमज्यूगु खँ धयादीगु दु । धनकुटाय् नेपाली काङ्ग्रेस जिल्ला कार्य समितिं शनिवा: ग्वसाःग्वःगु कार्यकर्ता भेलाय् वय्कलं जातीय आधारय् जक प्रान्तीय राज्यत दयेके मज्यूगु खँ धयादीगु ख: । वय्कलं जातीय आधारय् राज्य दयेकेवलय् देशय् मेगू विद्रोह जुइफूगु न्ह्यथनादिसें फुक्कसिनं स्वीकार याइगु कथंया प्रान्तीय राज्य दयेकेमाःगु धयादिल ।