निक्वःगु चरणया वासः इनेगु ज्याझ्वः थनिनिसें

पत्तिं न्यानाः जुइगु ल्वय् हात्तीपाइला ल्वय् ज्यंकेगु निंतिं सरकारं न्ह्याकूगु निक्वःगु चरणया वासः इनेगु ज्याझ्वः थनिनिसें न्ह्याःगु दु । आइतवा: तक न्ह्याइगु ज्याझ्वलय् येँ, यल व ख्वपय् वासः इनेगु ज्या न्ह्याइ । अथेहे कास्की, पर्वत, म्याग्दी, बाग्लुङ, अर्घाखाँची, प्युठान, गोर्खा व लमजुङय् नं थौं वासः इनेगु ज्या जूगु जानकारी स्वास्थ्य मन्त्रालयं ब्यूगु दु । थ्व स्वयां न्ह्यः न्हापांगु चरणय् थीथी झिंगुंगू जिल्लाय् वासः इनेगु ज्या न्ह्याःगु खः ।