माओवादी लडाकुया तलव दिकूगु मदु : प्रधानमन्त्री
प्रधानमन्त्री माधवकुमार नेपालं माओवादी लडाकुया तलब सरकारं मदिकुकू खँ स्पष्ट यानदीगुद दु । वयेकलं लडाकुतय् भत्ता मदिकाःगु धयादिसें लडाकुतय् विषयलय् पुनःबिचाः यायेमाःगु अवस्था धाःसाः सिर्जना जूगु धयादिल ।
पोखरा विश्विद्यालयया न्हय्क्वःगु दीक्षान्त समारोहलय् ब्वति कायेत शनिवाः लेखनाथ झयादीम्ह प्रधानमन्त्रीं संचारकर्मीतनाप खँल्हाबंला यानादिसें वयेकलं सरकारया निर्णय कथं सशस्त्र प्रहरीं भारतं ल्वाभः हःगु धयादिल । वयेकलं सशस्त्र प्रहरी व नेपाल प्रहरीं थःगु क्षमता अभिवृद्धिया निंतिं ल्वाभः हये दइगु अधिकार दुगुलिं वहे अनुरुप ल्वाभः हःगु स्पष्ट यानादिल ।
अथेहे वयेकलं राजनीतिक गतिरोधया अन्त्य मजुइकं संविधान जारी जुइमफइगु धयादिसें दलत दथुइ सहमति जुइमाःगु खँय् बः बियादिल । नापं वयेकलं इलय् हे संविधान जारी यायेत सरकार गम्भीर जुयाः लगे जुयाच्वंगु कनादिल ।
