तराईलय् बहुप्रदेश जुइमाःगु माग
तराई बहुप्रदेश जुइमाःगु माग यासें थारु सम्बद्ध थीथी संगठनतय्सं आन्दोलन घोषणा याःगु दु । थीथी च्यागू थारु संगठनतय्सं थौं मंकाः विज्ञप्ति पिथंसें तराईलय् बहुप्रदेशया माग याना: वइगु फागुन २० गतेनिसें चैत १ गतेतक धर्ना मसाल, जुलुस व आमहड्तालतक थंज्या:गु आन्दोलन यायेगु जानकारी ब्यूगु दु ।
थारु कल्याणकारी सभा, थारुहट संयुक्त संघर्ष समिति, नेपाल लोकतान्त्रिक थारु संघ, थारु विद्यार्थी समाज लगायत थारुसंगठनतपाखें थौं पिथंगु मंकाः विज्ञप्तिइ फागुन २० गते जिल्ला प्रशासन ज्याकूपाखें संविधानसभायात खबरदारी पौ बिइगु, २१ गते संविधानसभा घेरे यायेगु व २९ गते देय्ब्यापी मसाल जुलुश यायेगु खँ न्ह्यथनातःगु दु ।
अथेहे चैत १ गते थारुहट क्षेत्र बन्दलिसे आमहड्ताल यायेगु नापं न्ह्यथनातःगु दु । नेपाःया थ्यंमथ्यं बच्छि जनसंख्या दुगु तराईलयात संविधानसभाया राज्य पुनःसंरचना व राज्यशक्ति बाँडफाँड समितिं म्हो प्रदेशया प्रस्ताव हःगु खँय् असहमति क्यंसें थारुं बहुप्रदेश दयेकेत माग याःगु खः ।
