मानवअधिकारया आन्दोलनप्रति सरकार सकारात्मक : प्रम

प्रधानमन्त्री माधवकुमार नेपालं मानवअधिकारया आन्दोलनप्रति सरकार सकारात्मक जूगु धयादिसें सरकारं मानवअधिकारया आन्दोलनयात उच्च मान्यता बीगु धयादीगु दु ।

शुक्रवा: राष्ट्रिय सभागृहस ग्वसाःग्वःगु नेपाल मानवअधिकार दँया सफू उलेज्या ज्याझ्वः व सन् २००९या मानवअधिकार अवस्था विषयक विचाः गोष्ठीइ न्वंवानादिसें वय्कलं राज्यं याःगु मानवअधिकार उल्लङ्घन नियन्त्रणया कुतः प्रयाप्त मजूगु धयादिल । वय्कलं मानवअधिकार विरोधी ज्या दीकेत राज्ययात फुक्कसिनं ग्वाहालि यायेमाःगु धयादिसें राज्यं मानवअधिकार विरोधी ज्या याःसा राज्यं क्षतिपूर्ति बिइत तयार जूगु धयादिल।

ज्याझ्वलय् इन्सेकया कार्यकारी निर्देशक विजयराज गौतमं गणतन्त्र वयेधुंकाः मानवअधिकार उल्लङघनया घटना अप्वःगु जानकारी बियादीगु ख: ।